فیشن زدہ حجاب

fashion-zada-hijaab.jpg

جب بھی گھر سے باہر نکلنا ہوتا ھے ایک چیز میں اکثر نوٹ کرتی ہوں، اور وہ یہ کہ آج کل کی نوجوان نسل نے پردے کو کیا بنا لیا ھے ، میری سمجھ میں نہیں آتا یہ پردے کی کونسی شکل ھے ؟ 
ابھی پچھلے دنوں کی بات ھے ایک کلینک میں جانا ہوا، کافی رش تھا تو نمبر لیکر ایک طرف بیٹھ کر اپنی باری کا انتظار کرنے لگی،،،،،، 
 اتنے میں دو تین نوجوان لڑکیاں بھی کلینک میں داخل ہوئیں، خوبصورت میکسی نما عبایا پہنے ہوئے ،بالکل چست آستینیں، گلے اور آستینوں پر بہت خوبصورت کام بنا ہوا ،،،، 
 سر پہ بڑی خوبصورتی اور نفاست سے چھوٹا سا اسکارف لپیٹا ہوا۔ سر پہ بائیں طرف اسکارف کے اوپر ایک نگینوں سے مزین پن لگائی ہوئی ۔۔۔ 
اسکارف اتنا چھوٹا کہ بمشکل چہرے سے تھوڑا سا نیچے گلے تک آرہا تھا ۔ 
اتنا بھی نہیں تھا کہ سینے کو تو ڈھانپ لے۔ عبایا ایسا کہ جسم کے سب نشیب وفراز کو واضح کررہا تھا، اسکارف صرف خوبصورتی کے لئے پہنا گیا جس میں چہرہ بھی کھلا ہوا تھا ۔ 
آنکھیں گویا نین کٹارے،،، سرمہ ،کاجل، لائنر اور ہونٹوں پر لپ اسٹک،،،،،،
دل میں درد کی ایک لہر سی اٹھی، پردے کے نام پر ایسی بے حیائی،،،؟ 
ایسے پردے کو تو خود پردے کی ضرورت ھے………….. !!!
~~~~~~~~~~~~
اور کچھ خواتین جو تھوڑا سا چہرے کو ڈھانپنے کا اہتمام کر بھی لیتی ہیں مگر سینے انکے بھی کھلے ہوئے ہوتے ہیں،،، برقعے ایک سے بڑھ کر ایک اسٹائلش،،،، نت نئے ڈیزائن، کڑھائی، کٹ ورک، موتی ،نگینے ، رنگوں سے بھرپور،،،،، 
پردے اور حجاب کے نام پر کیسے کیسے فیشن متعارف کرائے جارہے ہیں کہ وہ بجائے عورت کو ڈھانپنے کے مزید عیاں کررہے ہیں ۔ نا دیکھنے والا بھی دیکھنے پر مجبور ہوجائے۔ 
ہر ایک نظر کو دعوت نظارہ دیتے ہوئے حجاب،،،،، 
 میں جب دیکھتی ہوں صرف اپنا دل مسوس کر ہی رہ جاتی ہوں،،، سوچتی ہوں کیا یہ وہی پردہ ھے جس کا اللہ نے ہمیں حکم دیا ھے ۔ 
ہماری خواتین نے برقعے اور حجاب کو بھی فیشن کے طور پر اپنالیا،،،،، 
 حسن اور خوبصورتی کے مقابلے،،،،،، 
ایک دوسرے سے آگے نکل جانے کی دوڑ،،،، 
سب میں نمایاں نظر آنے کا جذبہ،،،،، 
فیشن کا حد سے بڑھتا شوق،،،، 
*افسوس صد افسوس،،،،*
میری قابلِ احترام بہنو!!! یہ کس راستے پر چل پڑی ہو،، یہ وہ راستہ ھے جسے شیطان نے ہماری نظروں میں مزین کر کے دکھا دیا ھے،،،
یہی تجھ کو دھن ھے رہوں سب سے بالا 
ہو زینت انوکھی،،،،، ہو فیشن نرالا ،،،،، 
تجھے حسنِ ظاہر نے دھوکے میں ڈالا 
جیا کرتا ھے کیا،،، یونہی مرنے والا،،،؟ 
 جگہ جی لگانے کی دنیا نہیں ھے 
یہ عبرت کی جا ھے، تماشا نہیں ھے ۔
ذرا سوچیں تو سہی کیا یہ وہی پردہ ھے قرآن نے جس کا حکم دیا ھے؟؟؟
*يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ۚ ذَٰلِكَ أَدْنَىٰ أَنْ يُعْرَفْنَ فَلَا يُؤْذَيْنَ ۗ وَكَانَ اللَّهُ غَفُورًا رَحِيمًا.*
سورۃ الأحزاب. 59
*اے نبی! اپنی بیویوں، اپنی بیٹیوں اور مومنوں کی عورتوں سے کہ دیجیے کہ وہ اپنی چادروں کے پلو اپنے اوپر لٹکا لیا کریں. اس طرح زیادہ توقع ہے کہ وہ پہچان لی جائیں اور انہیں ستایا نہ جائے اور اللہ تعالٰی معاف کرنے والا، رحم کرنے والا ہے.*
قرآن جس پردے کا حکم دیتا ھے وہ تو مومن عورتوں کی زیب و زینت کو چھپانے کے واسطے ھے، تاکہ پہچان لی جائیں کہ یہ شریف باحیا عورتیں ہیں، ان پر کوئی میلی نظر نہ ڈالے،،،، 
 مگر آجکل جو کچھ پردے اور حجاب کے نام پر ہمارے سماج میں ہورہا ھے اگر اسے نہ روکا گیا تو پردہ خود ایک مذاق بن کر رہ جائے گا۔۔۔۔۔۔۔۔۔۔۔۔۔
برقع پہننے کا مطلب کیا ھے، اسکارف پہننے کا مطلب کیا ھے ۔۔۔ 
کیا دوسروں کی توجہ خواہ مخواہ اپنی طرف مبذول کرانا ،،،، ؟
جس طرح کے عبایا اور اسکارف ہم نے استعمال کرنا شروع کردیئے ہیں، کیا یہ واقعی پردے کے تقاضوں کو پورا کررہے ہیں، یا ہم نے حجاب کے نام پر ایک اور زیب و زینت اختیار کر لی ھے،،،؟ 
اس طرح کے حجاب کا آخر مقصد کیا ھے؟ ہم کس کو خوش کررہے ہیں؟ کس کو متاثر کرنا چاہتے ہیں؟
 ذرا اپنے دلوں کو ٹٹولیں تو سہی، 
کیا یہ پردہ ہم اللہ کو خوش کرنے کے لئے کررہے ہیں؟ 
 کیا یہ پردہ ہمارے ایمان کے تقاضوں کو پورا کررہا ھے؟ 
 پردہ تو عورت کو عزت اور عظمت عطا کرتا ھے، اسے دوسروں کی نظر میں باعزت بناتا ھے، اسے لوگوں میں معزز اور محترم ظاہر کرتا ھے ۔ 
اسے نامحرم مردوں کی حریص نظروں سے بچاتا ھے ۔ پردہ عورت کی حفاظت کرتا ھے ۔۔۔۔۔ !!! 
لیکن جو پردہ آج ہم کررہے ہیں کیا وہ ان سارے تقاضوں کو پورا کررہا ھے؟؟؟
÷÷÷÷÷÷÷÷÷÷÷÷÷÷÷
میری مودبانہ اور دردمندانہ درخواست ھے، اپنی مسلمان بہنوں سے، اپنے معاشرے سے، کہ خدارا پردے کو پردہ ہی رہنے دیں، اسے اپنی خواہشات اور فیشن کی بھینٹ نہ چڑھائیں ،،،،، 
اپنے اسلامی وقار کو قائم رکھیں، سادگی کو اپنائیں، سادگی ایمان کا حصہ ھے، 
فیشن سے عزت نہیں ملتی، اللہ عزت دیتا ھے، اپنی نیتوں کو ٹھیک کرلیں، ڈھیلے ڈھالے اور سادہ حجاب اور برقعے استعمال کریں، اللہ کی رضا و خوشنودی کو پیش نظر رکھیں، اللہ کا حکم پورا کرنے کے لئے پردہ کریں، دین کے احکامات کا تمسخر نہ اڑائیں،،،،،!!!
=================
یہ چار دن کی زندگی اپنی خواہشات کو پورا کرنے کے لئے نہیں ملی تھی، یہ زندگی ایک امتحان ھے آزمائش ھے، کہ کون آخرت کی بہترین تیاری کرنیوالا ھے؟ 
 کون اپنے رب کی رضا اور خوشی کو اہمیت دیتا ہے اور کون اپنی نفسانی خواہشات کے پیچھے اندھا دھند بھاگتا ھے،،،؟؟؟ 
 زندگی اسی کھیل تماشے میں ضائع کرنے کے لئے نہیں ھے، 
سوچنے کی بات ھے، 
ہم بہت خوبصورت نظر آبھی گئے تو کیا، فیشن کی دوڑ میں سب سے آگے نکل بھی گئے تو کیا، 
 ہم لوگوں کی نظروں میں بہت جچ بھی گئے تو کیا،،، 
 اگر یہ سب کچھ ہمیں مل بھی گیا تو کیا پایا،،،،،؟؟؟ 
 *موت کے ساتھ ہی ہر چیز کا خاتمہ ہو جانا ہے، دنیا کی ناموری، شہرت عزت سب کچھ یہیں رہ جانی ھے اور آخرکار انسان اکیلا ہی ایک دن اپنی قبر میں جاسوئے گا اپنے اعمال کا بوجھ لیکر،،،* 
جہاں سوائے اپنی نیکیوں کے کچھ کام آنیوالا نہیں ھے ۔۔۔۔۔ 
عقلمند وہ ھے جو مرنے سے پہلے موت کی تیار کر لے،،،،،، 
اللہ تعالیٰ نے بہت عظیم الشان جنت بنائی ھے اپنے فرمانبردار بندوں کے لئے ۔ 
وہاں وہ وہ نعمتیں ہیں جو نہ کسی انکھ نے کبھی دیکھیں، نہ کسی کان نے سنیں، نہ کسی دل پر انکا خیال بھی گزرا،،،،، 
 آج دنیا میں رب چاہی زندگی گزار لیں، کل کو آخرت میں اپنی من چاہی زندگی گزارنا،،، 
اللہ تعالیٰ ہم سب کو پردے کے حقیقی تقاضوں پر عمل کرنے کی توفیق عطا فرمائے ۔ آمین
===============

تحریر: ام محمد سلمان

انتطامیہ اُردو صفحہ

انتطامیہ اُردو صفحہ

Leave a Reply

Your email address will not be published. Required fields are marked *

Top